Alþjóðaleikar ungmenna fóru fram í Kaunas í Litháen um helgina. Átján reykvísk ungmenni tóku þátt í júdó, sundi og knattspyrnu stúlkna og stóðu sig vel. Hópurinn kom heim með gull í knattspyrnu og silfur í júdó.
Knattspyrnulið stúlkna sigraði mótið með glæsibrag. Stelpurnar lögðu Szombathely frá Ungverjalandi 3-1 í úrslitaleiknum og Jerúsalem 7-0 í undanúrslitum. Í riðlakeppninni sigruðu þær Kaunas frá Litháen 7-1, Szombathely frá Ungverjalandi 5-0 og Ranana frá Ísrael 8-0.
Bestu árangri reykvísku júdókeppendanna náði Aleksandrra Lis. Hún vann til silfurverðlauna í -70 kg flokki.
Sundfólkið stóð sig líka vel og voru flestir að bæta sína bestu tíma. Bestu úrslit hópsins var 10.sæti í 4x 100m skriðsundi blandaðra sveita á tímanum 4.12.93.
Lista yfir þátttakendur í liði Reykjavíkur má finna hér.
Alþjóðaleikar ungmenna (International Children´s games) hafa verið haldnir um víða veröld í um 40 ár. Leikarnir eru keppni í hinum ýmsu íþróttagreinum fyrir ungmenni á aldrinum 12-15 ára. Samtökin sem standa að þessum leikum hafa verið viðurkennd af Alþjóða Ólympíunefndinni frá 1990. Íþróttabandalag Reykjavíkur hefur með stuðningi frá Reykjavíkurborg sent þátttakendur á leikana frá árinu 2001 og var Reykjavík í hlutverki gestgjafa árið 2007.
Heimasíða leikanna með nánari upplýsingum er icg2017.kaunas.lt
Aðrar fréttir
Fréttasafn- 27. mars 2024
Umsóknir í Styrktarsjóð ÍBR
Opið er fyrir Styrktarsjóð ÍBR. Tekið er á móti umsóknum frá 15. mars - 15. apríl næstkomandi og hvetjum við sem flest að sækja um.
- 24. mars 2024
Páskalokanir 2024
Íþróttasalir skólanna verða lokaðir frá og með mánudeginum 25. mars til og með mánudagsins 1. apríl (annar í páskum).
- 20. feb. 2024
Samstarfssamningur Reykjavíkurborgar og íþróttahreyfingarinnar í Reykjavík undirritaður
Þann 20. febrúar skrifaði Ingvar Sverrisson, formaður ÍBR og Einar Þorsteinsson, borgarstjóri Reykjavíkur undir samstarfssamning milli Reykjavíkurborgar og íþróttahreyfingarinnar í Reykjavík 2024-2026.