Skýrsla ÍBR frá fundi með knattspyrnufélögunum í borginni frá því fyrr í vetur um framtíð knatthúsa í Reykjavík liggur nú fyrir. Í skýrslunni kemur fram að óskir félaganna eru þær helstar að byggð verði knatthús með a.m.k. hálfum knattspyrnuvelli á félagssvæðum þeirra allra til framtíðar. Fyrir í borginni er eitt stórt knatthús en það var niðurstaða fundarins að þörf væri á einu til tveimur í viðbót. Nálgast má skýrsluna hér.
Opið er fyrir Styrktarsjóð ÍBR. Tekið er á móti umsóknum frá 15. mars - 15. apríl næstkomandi og hvetjum við sem flest að sækja um.
Íþróttasalir skólanna verða lokaðir frá og með mánudeginum 25. mars til og með mánudagsins 1. apríl (annar í páskum).
Þann 20. febrúar skrifaði Ingvar Sverrisson, formaður ÍBR og Einar Þorsteinsson, borgarstjóri Reykjavíkur undir samstarfssamning milli Reykjavíkurborgar og íþróttahreyfingarinnar í Reykjavík 2024-2026.
