Íþróttahátíð í Breiðholti laugardaginn 6. september
Íþróttabandalag Reykjavíkur býður öll velkomin á Íþróttahátíð í Breiðholti sem haldin verður laugardaginn 6. september. Hátíðin er öllum opin, aðgangur er frír og boðið verður upp á skemmtilega dagskrá fyrir fólk á öllum aldri.
Íþróttadagskrá kl. 12:00–14:30
Frá hádegi geta börn og ungmenni rölt á milli íþróttasvæða og prófað hinar ýmsu greinar. Hátíðin fer bæði fram á ÍR-svæðinu og Leiknis-svæðinu, og verður sérstök íþróttarúta í boði sem fer með börn milli svæðanna. Á svæðunum sjálfum rölta þau um og kynnast íþróttunum á eigin hraða.
Í boði verða m.a.:
- Borðtennis, blak og badminton
- Sund og dans
- Fótbolti og amerískur fótbolti
- Glíma, kung-fu, júdó, karate og taekwondo
- Klifur, fimleikar og frjálsar íþróttir
- Handbolti, körfubolti og hjólastólakörfubolti
- Keila
Þátttakendur fá tækifæri til að kynnast íþróttunum á lifandi og skemmtilegan hátt undir leiðsögn íþróttafélaga í hverfinu.
Skemmtidagskrá á sviði
Eftir íþróttagleðina hefst skemmtidagskrá á sviði þar sem boðið verður upp á fjölbreytta afþreyingu:
- Emmsjé Gauti
- Húbba Búbba
- Dans Brynju Péturs
- DJ Birkir
Skrúðganga og knattspyrnuleikur kl. 15:30
Að lokinni skemmtidagskrá verður skrúðganga frá sviðinu að Leiknisvellinum, þar sem öllum er boðið frítt á knattspyrnuleik Leiknis og Selfoss í Lengjudeild karla. Leikurinn hefst kl. 16:00.
Frítt fyrir öll
Aðgangur að hátíðinni er ókeypis, þátttaka í öllum íþróttum er frí og einnig verður boðið upp á fríar veitingar.
Hátíð fyrir alla
Íþróttahátíðin í Breiðholti er haldin með stuðningi frá Erasmus+ Sports day in the Streets og er hluti af stærra Breiðholtsverkefni sem Íþróttabandalag Reykjavíkur (ÍBR) og Suðurmiðstöð standa að. Markmið verkefnisins er að efla þátttöku barna og ungmenna í íþrótta- og tómstundastarfi, styrkja félagsauð í Breiðholti og auðvelda fólki af erlendum uppruna aðlögun að íslensku samfélagi.
