ÍBR 75 ára

Íþróttabandalag Reykjavíkur á 75 ára afmæli í dag 31.ágúst. Af því tilefni var vígt upplýsingaskilti um Melavöllinn á horni Suðurgötu og Hringbrautar. Þar komu saman formenn og framkvæmdastjórar aðildarfélaga ÍBR ásamt stjórn ÍBR, fulltrúum ÍSÍ og fleiri góðum gestum. Við skiltið sagði Sigmundur Ó Steinarsson, blaðamaður, skemmtilegar sögur frá Melavellinum og var síðan haldið í sögugöngu í fylgd Stefáns Pálssonar, sagnfræðings, að Hólatorgi 2 þar sem ÍBR hafði um tíma aðsetur og í Vonarstræti þar sem ÍBR var stofnað. Að sögugöngu lokinni snæddu gesti hádegisverð í Iðnó. Sigríður Jónsdóttir varaforseti ÍSÍ færði bandalaginu glæsilegt málverk eftir Elsu Nielsen í tilefni dagsins og flutti kveðju framkvæmdastjórnar ÍSÍ. Að hádegisverði loknum var Örn Andrésson fyrirverandi stjórnarmaður í ÍBR og ÍSÍ til margra ára sæmdur Heiðursstjörnu ÍBR. Meðfylgjandi myndir voru teknar í afmælinu í dag.

Upplýsingaskilti um Melavöllin vígt

Upplýsingaskiltið um Melavöllinn stendur á horni Suðurgötu og Hringbrautar við Þjóðarbókhlöðuna

Sigmundur að segja skemmtilegar sögur frá Melavellinum

Sigmundur Ó Steinarsson, blaðamaður, sagði skemmtilegar sögur frá Melavellinum

Sveinn og Ellert við upplýsingaskilti um Melavöllinn

Sveinn og Ellert léku á Melavellinum á árum áður

Stefán Pálsson segir frá stofnun ÍBR og sögu íþróttafélaganna í Reykjavík

Stefán Pálsson sagði á sinn einstaka líflega hátt frá stofnun ÍBR og sögu íþróttafélaganna í Reykjavík í afmælissögugöngunni

Ingvar Sverrisson, Örn Andrésson og Frímann Ari Ferdinandsson

Ingvar Sverrisson, formaður ÍBR, Örn Andrésson með Heiðursstjörnu ÍBR og Frímann Ari Ferdinandsson, framkvæmdastjóri ÍBR

Deila þessari frétt
Samstarfsaðilar
  • Merki ÍSÍ
  • Merki UMFÍ
  • Merki Reykjavíkurborgar
  • Merki ÍTR
  • Merki Íslenskrar Getspár
  • Merki Getrauna

Íþróttabandalag Reykjavíkur (ÍBR) eru heildarsamtök íþróttafélaganna í Reykjavík og voru stofnuð 31. ágúst 1944. ÍBR gætir hagsmuna íþróttahreyfingarinnar í Reykjavík gagnvart opinberum aðilum og vinnur að eflingu og skipulagningu á íþróttastarfsemi í Reykjavík. Árlega hefur Íþróttabandalagið umsjón með fimm stórum íþróttaviðburðum