Íþróttafólk Reykjavíkur er kjörið ár hvert af framkvæmdastjórn Íþróttabandalags Reykjavíkur og skal stjórn velja íþróttamann/manneskju ásamt íþróttalið. Íþróttamaður/manneskja Reykjavíkur skal vera íslenskur ríkisborgari og hafa verið félagi í reykvísku íþróttafélagi á liðnu tímabili. Íþróttafélögin í Reykjavík geta komið með ábendingar um einstaklinga og lið sem til greina gætu komið og skal fylgja skrá yfir afrek þeirra.
Borgarstjórinn í Reykjavík afhendir farandbikar sem íþróttamaður/manneskja Reykjavíkur varðveitir í eitt ár. Íþróttamaður/manneskja Reykjavíkur fær einnig afhentan eignarbikar sem er gjöf frá ÍBR. Lið ársins skal fá samsvarandi bikara, farandbikar og eignabikar. Auk þess skal framkvæmdastjórn velja að lágmarki 10 einstaklinga sem hljóta viðurkenningu fyrir góðan árangur á árinu.
Afhending verðlaunanna fer fram við hátíðlega athöfn í Ráðhúsi Reykjavíkur þann 17. Desember 2025.
Nú viljum við gefa almenningi kost á því að skila inn ábendingum um einstaklinga sem gætu komið til greina og ábendingum er hægt að skila hér að neðan.
