Um ÍBR

Íþróttabandalag Reykjavíkur (ÍBR) eru heildarsamtök íþróttafélaganna í Reykjavík og voru stofnuð 31. ágúst 1944. ÍBR er aðili að Íþrótta- og Ólympíusambandi Íslands og er tengiliður íþróttafélaganna við Reykjavíkurborg. ÍBR gætir hagsmuna íþróttahreyfingarinnar í Reykjavík gagnvart opinberum aðilum og vinnur að eflingu og skipulagningu á íþróttastarfsemi í Reykjavík. Heildarfjöldi virkra félagsmanna í íþróttafélögum í Reykjavík rúmlega 41.000. Skráð eru 76 starfræk íþróttafélög í ÍBR en innan þeirra eru yfir 150 deildir. ÍBR nýtur styrkja frá Reykjavíkurborg. ÍBR styður starfsemi íþróttafélaganna með styrkjum frá Reykjavíkurborg m.a. fyrir aðstöðu til æfinga og keppni. Íþróttahreyfingin í Reykjavík fær einnig styrki frá ÍSÍ vegna hagnaðar af Íslenskri getspá og Íslenskum getraunum.
Á meðal verkefna ÍBR eru:

  • Úthlutun tíma til íþróttafélaga í íþróttamannvirkjum borgarinnar
  • Útleiga á lausum æfingatímum í íþróttamannvirkjum til almennings
  • Úthlutun á styrkjum til íþróttafélaganna
  • Stuðningur við afreksfólk í Reykjavík
  • Eftirfylgni með starfsemi íþróttafélaga
  • Rekstur og umsjón sex íþróttaviðburða: Reykjavík International Games (RIG), Norðurljósahlaup Orkusölunnar, Tour of Reykjavík, Miðnæturhlaup Suzuki, Laugavegshlaupið og Reykjavíkurmaraþon Íslandsbanka.
  • Rekstur Skautahallarinnar í Laugardal
  • Skipulagning þátttöku Reykjavíkur á Alþjóðaleikum ungmenna og Grunnskólamóti höfuðborga Norðurlandanna

Persónuverndarstefna