Grunnskólamót Höfuðborga Norðurlanda 2012 verður haldið í Osló dagana 21.-24.maí næstkomandi. Mótið hefur verið haldið árlega á Norðurlöndunum frá árinu 1948. Reykjavík tók fyrst þátt í leikunum árið 2006 í Helsinki og hélt mótið í fyrsta sinn í Reykjavík árið 2011. Íþróttabandalag Reykjavíkur hefur veg og vanda að skipulagningu og undirbúningi fyrir mótið fyrir hönd Reykjavíkurborgar í samvinnu við íþróttafélögin í Reykjavík og grunnskóla Reykjavíkur.

Keppt er í þremur íþróttagreinum á mótinu; knattspyrnu drengja, handknattleik stúlkna og frjálsum íþróttum drengja og stúlkna. Þátttökuborgir eru Helsinki, Kaupmannahöfn, Osló, Stokkhólmur og Reykjavík. Hver borg er skipuð 47 manna hópi; 41 unglingur á aldrinum 12-14 ára, 4 þjálfarar og 2 fararstjórar.

Undirbúningur fyrir mótið er nú í fullum gangi og eru æfingar hafnar í þeim íþróttagreinum þar sem félög og grunnskólar eru búnir að tilnefna leikmenn í æfingahópa. Smellið hér til að skoða nánari upplýsingar um Grunnskólamót Höfuðborga Norðurlandanna 2012.

Meðfylgjandi mynd er af reykvíska hópnum sem tók þátt í mótinu 2011.