Það er óhætt að segja að Reykjavík iði af lífi þessa dagana því um 2.400 íþróttamenn keppa um helgina á Alþjóðlegu Reykjavíkurleikunum. Leikarnir voru formlega settir í gær í Laugardalshöll með glæsilegri opnunarsýningu íþróttafólks úr öllum greinum og fleiri listamönnum. Eva Einarsdóttir formaður ÍTR setti leikana fyrir hönd Reykjavíkurborgar og söngkonan Regína Ósk endaði svo Opnunarhátíðina á því að syngja lag leikana.

Í dag verður keppt um alla borg og reyndar í Garðabæ líka í íþróttagreinunum 16 sem taka þátt í leikunum. Smellið hér til að skoða dagskrá Reykjavíkurleikanna 2012. Myndir og fleira áhugavert um Reykjavíkurleikana er reglulega sett inn á Facebook. Smellið hér til að skoða Facebook síðuna.

Sýnt verður beint frá keppni Reykjavíkurleikanna á SportTV.is og hjá RÚV.

 
Mynd: Jakob Jóhann við keppni í sundi í gær föstudag
Ljósmyndari: Helgi Olgeirsson