Reykvíska liðið átti mjög góðu gengi að fagna í dag.

Í sundinu sigraði Kristinn Þórarinsson 100 metra baksundið og lenti þar aða auki í 5. sæti í 100m skriðsundi. Rebekka Jaferian, Paulina Lazorikova og Snær Jóhannsson bættu öll sína bestu tíma í sínum sundum.

Í frjálsunum sigraði Hilmar Örn Jónsson í kúluvarpi með miklum yfirburðum. Hann kastaði kúlunni 16,52 metra. Aníta Hinriksdóttir sigraði í 800 m hlaupinu á 2:10,10 mín sem er bæting hjá henni. Hanna Þráinsdóttir vann til bronsverðlauna í hástökki. Gunnar Ingi varð 6. sæti hljópí úrslitum í 100 metra hlaupinu á 11,81 sekúndu og bætti þar með sinn besta árangur.

Í badmintoninu hefur gengið ágætlega bæði í einstaklings- og liðakeppninni en keppnin er mjög hörð þar sem að okkar fólk hefur ekki ráðið við sterkustu spilarana frá Asíu og Austur-Evrópu.  Bestan árangur í einstaklingskeppninni hafa Stefán Ás Ingvarsson og Jóna Kristín Hjartardóttir náð en þau voru slegin út í 8 liða úrslitunum.

Glæsilegur árangur hjá okkar unga og frábæra íþróttafólki.