Grunnskólamót Höfuðborga Norðurlanda sem átti að hefjast á sunnudag hefst á morgun þriðjudaginn 24.maí. Erlendu þátttakendurnir komust ekki til landsins á sunnudag útaf eldgosinu í Grímsvötnum en nú er ljóst að þeir komast til landsins seint í kvöld og nótt.

Reykvísku þátttakendurnir eiga að mæta í Farfuglaheimilið í Laugardal kl.8:00 í fyrramálið og vera búin að borða morgunmat. Stuttu síðar fer dagskrá mótsins í gang af fullum krafti.

Starfsmenn Íþróttabandalagsins eru að endurgera dagskrá mótsins þessa stundina og verður uppfærð dagskrá birt hér á vefnum í kvöld.