Rathlaupsfélagið Hekla, Íþróttasamband Íslands og Íþróttabandalag Reykjavíkur bjóða til fyrirlestra um rathlaup og hlaupaþjálfun miðvikudaginn 9. mars 2011.

Í mars koma tveir norskir rathlauparar til landsins í tengslum við Öskudagsráðstefnu Reykjavíkurborgar og verkefnið „Rathlaup ný skólaíþrótt“. Í tilefni af þessu mun Rathlaupsfélagið Hekla, ÍSÍ og ÍBR bjóða til fyrirlestra í húsnæði ÍSÍ 9. mars. Haldnir verða tveir fyrirlestrar þar sem fjallað verður um rathlaupsíþróttina (orienteering) og um þjálfun og æfingar keppnisfólks í hlaupum.

Fyrirlestrarnir munu meðal annars fjalla um möguleika ýmissa íþróttagreina og íþróttamanna til að nýta sér möguleika rathlaups til þjálfunar. Þá verður sérstaklega fjallað um þjálfun fólks á ólíkum aldri og hvernig hægt er að byggja íþróttina upp eina sér eða í tengslum við aðrar íþróttir.

Fyrirlestrarnir hefjast klukkan 20:00 og verða í húsnæði ÍSÍ í Laugardalnum. Nánari upplýsingar má finna með því að smella hér.

Aðgangur er ókeypis og öllum opin meðan húsrúm leyfir.