Um næstu helgi fara Reykjavíkurleikarnir (Reykjavik International Games) fram í fjórða sinn í Laugardalnum. Íþróttagreinunum sem taka þátt hefur fjölgað með hverju ári og er nú boðið uppá 12 greinar: fimleika, bogfimi, keilu, skylmingar, júdó, dans, borðtennis, listhlaup á skautum, frjálsar íþróttir, badminton, sund og kraftlyftingar.

Reiknað er með að á fjórða hundrað erlendra gesta komi til landsins vegna leikanna. Flestir eða um 120 koma til að taka þátt í eða styðja við keppendur í listhlaupi á skautum en einnig eru margir sem taka þátt í sundkeppninni eða tæplega 100 manns.

Það er Íþróttabandalag Reykjavíkur og íþróttafélögin í Reykjavík sem standa að Reykjavíkurleikunum með stuðningi borgarinnar og fleiri samstarfsaðila. Smellið hér til að skoða dagskrá leikanna og hér til að skoða heimasíðu þeirra.