Undanfarnar þrjár helgar hefur Grunnskólamót Knattspyrnuráðs Reykjavíkur og Sport 2 í knattspyrnu 2010 farið fram í Egilshöll en keppni lauk í gær sunnudaginn 3.október. Keppt var í tveimur aldurshópum 7.bekk og 10.bekk.

Í keppni 7.bekkja tóku 19 stúlknalið þátt og 22 drengjalið. Rimaskóli sigraði keppni beggja kynja. Fossvogsskóli var í öðru sæti stúlkna og Langholtsskóli í öðru sæti drengja. Í keppni 10.bekkja tóku 15 stúlknalið og 17 drengjalið þátt. Í úrslitum mættust Réttarholtsskóli og Árbæjarskóli bæði í drengja og stúlkna keppninni. Réttarholtsskóli stóð uppi sem sigurvegari í stúlknaflokki og Árbæjarskóli í drengjaflokki.

Á heimasíðu KSÍ má finna úrslit allra leikja í Grunnskólamótinu 2010. 
Drengir - úrslit
Stúlkur - úrslit

Frá árinu 1988 hefur Knattspyrnuráð Reykjavíkur staðið fyrir Grunnskólamóti í knattspyrnu milli grunnskólanna í Reykjavík. Smellið hér til að skoða lista yfir sigurvegara í Grunnskólamótinu í knattspyrnu frá upphafi.