Reykjavíkurmaraþon Íslandsbanka 2010 fór fram laugardaginn 21.ágúst síðastliðinn. Frá árinu 2003 hefur Reykjavíkurmaraþon verið í umsjón Íþróttabandalags Reykjavíkur. Auk starfsmanna Íþróttabandalagsins koma um 400 sjálfboðaliðar að framkvæmd Reykjavíkurmaraþons Íslandsbanka, flestir þeirra eru úr íþróttafélögunum í Reykjavík.

Hlaupið gekk sérstaklega vel þetta árið en 10.444 voru skráðir til þátttöku. Flestir voru skráðir í 10 km hlaupið eða 3680 manns. Úrslit hlaupsins má finna hér og myndir af gleði dagsins hér.

Hlaupurum gafst tækifæri til að hlaupa til góðs og safna áheitum á hlaupstyrkur.is. Um 2.000 hlauparar tóku þátt í söfnuninni og söfnuðu tæplega 30 milljónum króna til 96 góðgerðafélaga.