Í dag voru veitt verðlaun fyrir vinnustaðakeppnina "Hjólað í vinnuna" sem stóð yfir dagana 5.-25.maí. "Hjólað í vinnuna" er hvatningarverkefni Íþrótta- og Ólympíusambands Íslands sem hefur það meginmarkmið að vekja athygli á hjólreiðum sem heilsusamlegum, umhverfisvænum og hagkvæmum samgöngumáta. Frábær árangur náðist í átakinu þetta árið því þátttakan jókst um 17,5% milli ára.

Íþróttabandalag Reykjavíkur veitti annað árið í röð vinnustöðum í Reykjavík sem náðu bestri hlutfallslegri þátttöku, þ.e. sigruðu keppnina "flestir þátttökudagar", skemmtileg og hreyfihvetjandi verðlaun. Keppt var í sjö stærðarflokkum fyrirtækja og voru reykvískir sigurvegarar eftirfarandi.

Arion banki
800 o.fl. starfsmenn
262 tóku þátt og unnu skautaferð í Skautahöllina í Laugardal.

Heilsugæsla Höfuðborgarsvæðisins
400-799 starfsmenn
125 tóku þátt og unnu skautaferð í Skautahöllina í Laugardal.

Mannvit
150-399 starfsmenn
170 tóku þátt og unnu skautaferð í Skautahöllina í Laugardal.

Matís ohf
70-149 starfsmenn
72 tóku þátt og unnu skautaferð í Skautahöllina í Laugardal.

Grandaskóli
30-69 starfsmenn
26 tóku þátt og unnu skautaferð í Skautahöllina í Laugardal.

Rannsóknarþjónustan Sýni ehf
10-29 starfsmenn
14 tóku þátt og unnu frí þátttökugjöld í skemmtiskokk Reykjavíkurmaraþons Íslandsbanka.

Siglunes
3-9 starfsmenn
5 tóku þátt og unnu frí þátttökugjöld í skemmtiskokk Reykjavíkurmaraþons Íslandsbanka.

Það var Gígja Gunnarsdóttir, formaður Útbreiðslusviðs Íþróttabandalags Reykjavíkur, sem afhendi liðstjórum reykvísku vinnustaðanna verðlaunin.

Nánari upplýsingar um "Hjólað í vinnuna" má finna á vef verkefnisins hjoladivinnuna.is.