Reykjavíkurúrvalinu í frjálsum íþróttum gengur vel á Grunnskólamóti Höfuðborga Norðurlandanna sem fram fer í Helsinki þessa dagana. Í dag var keppt í hástökki drengja og kúluvarpi og langstökki stúlkna.

Gunnar Ingi Harðarson, ÍR-ingur og nemi í Laugalækjarskóla sigraði í hástökki drengja þegar hann stökk 1,67 m. Gunnar Ingi sigraði einnig í 100 m hlaupi í gær.

Í kúluvarpi stóð Bogey Ragnheiður Leósdóttir, ÍR-ingur og nemi í Breiðholtsskóla, sig best reykvísku stúlknanna. Hún kastaði kúlunni lengst 10,58 metra sem var annað lengsta kast dagsins.

Thelma Lind Kristjánsdóttir, ÍR-ingur og nemi í Breiðholtsskóla, stóð sig best reykvísku stúlknanna í langstökki þegar hún stökk 4,92 metra. Stökkið skilaði Thelmu fimmta sætinu í langstökkskeppninni.

Staðan í stigakeppni stúlkna í frjálsum íþróttum eftir þrjár greinar er sú að Helsinki leiðir með 2382,2 stig og Reykjavík er í öðru sæti með 2269,1 stig. Lið Stokkhólms er í þriðja sæti með 2092,9 stig, Osló í fjórða með 2040,9 og Kaupmannhöfn rekur lestina með 1993,2 stig. Upplýsingar um stöðu í stigakeppni drengja hefur ekki borist ennþá.

Frjálsíþróttakeppnin heldur áfram á morgun en þá keppa strákarnir í kúluvarpi og langstökki en stelpurnar í hástökki fyrir hádegi. Eftir hádegi á morgun keppa svo allir í 800 metra hlaupi.

Neðangreint er yfirlit yfir árangur reykvísku ungmennanna í dag

Hástökk drengja
1. Gunnar Ingi 1,67
4. Jón Gunnar 1,55
5. Atli Snær 1,55
10. Guðbjartur 1,49
13. Anthony Þórir 1,46
16. Simon Eldon 1,43
22. Hans Holm 1,35
40. Skúli felldi byrjunarhæð

Langstökk stúlkna
5. Thelma Lind 4,92
8. Bogey Ragnheiður 4,86
9. Thea Imani 4,82
17. Auður María 4,69
21. Aníta 4,58
30. Gréta Sóley 4,45
31. Sigríður 4,43
39. Rannveig Rögn 4,17
Sigurvegarinn stökk 5,18 m.

Kúluvarp stúlkna
2. Bogey Ragnheiður 10,58
4. Thea Imani 9,11
8. Rannveig Rögn 7,87
14. Gréta Sóley 7,59
16. Auður María 7,29
22. Thelma Lind 6,91
28. Aníta 6,31
30. Sigríður 6,29
Sigurvegarinn kastaði 10,77 m.