Lið Reykjavíkur, 45 manns, ásamt fylgdarliði sem tekur þátt í Grunnskólamóti Höfuðborga Norðurlandanna næstu daga er komið til Finnlands. Ferðin gekk vel. Flogið var til Helsinki og síðan keyrt með rútu til Pajulathi sem er svæðið þar sem gist er og keppt á.

Samkvæmt upplýsingum frá fararstjórum voru krakkarnir mjög spenntir en þó prúðir. Næstu dagar verða án efa mikið ævintýri fyrir þau enda spennandi keppni framundan og fullt af nýju fólki til að kynnast. Einhverjir í hópnum voru að fara í sína fyrstu ferð til útlanda í dag.

Keppni hefst strax í kvöld þegar reykvísku stelpurnar keppa við Stokkhólm í körfuknattleik. Leikurinn hefst kl.20:00 í Finnlandi sem er kl.17:00 að íslenskum tíma. Upplýsingar um úrslit verða settar hér inná ibr.is um leið og þær liggja fyrir.