Föstudaginn 19. febrúar kl.11:30-13:00 stendur Íþróttabandalag Reykjavíkur fyrir hádegisfundi um næringu íþróttaiðkenda. Á fundinum verður forsvarsmönnum íþróttafélaga og íþróttamannvirkja kynntar leiðir til að stuðla að hollari næringu íþróttaiðkenda. Fundurinn fer fram í Íþróttamiðstöðinni í Laugardal, sal E.

Dagskrá

Kl. 11:30
Gígja Gunnarsdóttir fundarstjóri og formaður útbreiðslusviðs ÍBR setur fundinn.

Kl. 11:35
Hólmfríður Þorgeirsdóttir kynnir leiðbeiningar Lýðheilsustöðvar um framboð á matvörum hjá íþróttafélögum og í íþróttamannvirkjum.

Kl. 11:50
Margrét og Ragnhildur hjá Knattspyrnufélaginu Val kynna þær áherslubreytingar sem hafa verið gerðar í framboði á næringu í íþróttamannvirkjum þeirra. Gefin verða hagnýt dæmi sem geta nýst íþróttamannvirkjum og íþróttafélögum vel.

Kl. 12:05
Ólafur Sæmundsson næringarfræðingur fjallar um næringu íþróttafólks. Leitast verður við að svara spurningum eins og: Þarf íþróttafólk að nota fæðubótarefni eða orkudrykki? Hvað gæti komið í staðinn fyrir slíkar vörur?

Kl. 13:00
Fundarlok.

Ávaxtabíllinn býður uppá hollar og léttar veitingar meðan á fundinum stendur.

Vinsamlega tilkynnið þátttöku á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. í síðasta lagi fimmtudaginn 18.febrúar. Fundurinn er opinn öllum og er aðgangur ókeypis.