Gervigrasvöllurinn í Laugardal var vígður 1985. Hann er fyrsti gervigrasvöllurinn sem lagður var í Reykjavík. Þessa dagana er verið að leggja á hann nýtt gras enda hið gamla löngu orðið gamalt og úrelt. Þetta er í annað sinn sem skipt er um gras á vellinum en grasið sem lagt er á völlinn nú er svokallað 4.kynslóðar gervigras.

Meðfylgjandi mynd var tekin í vikunni þegar unnið var hörðum höndum við að koma nýja grasinu á völlinn.

Níu knattspyrnufélög í Reykjavík  hafa nú gervigrasvöll á heimasvæðum sínum en þau eru Fjölnir, Fram, Fylkir, ÍR, KR, Leiknir, Valur, Víkingur og Þróttur.