Landsmóti UMFÍ lauk á Akureyri í dag. Framkvæmd mótsins gekk vel fyrir sig og var hin mesta skemmtun bæði fyrir keppendur og gesti.

Íþróttafólk Reykjavíkur stóð sig vel á mótinu og sigraði í fjórum stigagreinum og urðu í fimmta sæti í heildar stigakeppni mótsins. Reykvískur sigur náðist í badminton, bridds, borðtennis og frjálsum íþróttum. Þá urðu Reykvíkingar í öðru sæti í dansi, júdó, siglingum og skotfimi. Smellið hér til að skoða yfirlit yfir stigakeppni Landsmótsins.

Myndir og fleiri fréttir af mótinu má nálgast á heimasíðunni www.umfi.is/landsmot.