Alþjóðaleikum Ungmenna 2009 sem fram hafa farið í Aþenu undanfarna daga lýkur í dag en í dag verður keppt til úrslita í öllum greinum.

Tveir reykvískir fimleikamenn kepptu til úrslita í dag í fimleikakeppninni. Alexander Jens Ásgeirsson, Ármanni, lenti í 7. sæti í keppni í stökki(12,6 stig) og Jóhanna Rakel Jónasdóttir, einnig úr Ármanni, lenti í 5. sæti í úrslitum í gólfæfingum(12,45 stig).

Hópurinn er svo á leið í skoðunarferð á hina heimsfrægu Akrópólishæð í Aþenu seinni partinn og fer svo þaðan á lokahátíðina.

Áætluð heimkoma í ÍBR er svo kl. 1:30 aðfararnótt mánudagsins en mælst er til þess að foreldrar séu í sambandi við keppendur rétt eftir miðnætti en þá ætti hópurinn að vera lentur í Keflavík.