Íþróttaskóla 6 ára krakka lýkur með vorhátíðum um alla borg en þar kynna hverfafélögin það fjölbreytta starf sem er í boði. Í síðustu viku lauk skólanum hjá ÍR með heljarinnar hátíð rúmlega 200 krakka þar sem boðið var upp á kynningu á deildum félagsins og einnig gæddu krakkarnir sér á íspinnum og ferskum ávöxtum.

Íþróttaskólinn byrjar svo aftur næsta haust en þess má geta að allir grunnskólar Reykjavíkur bjóða upp á íþróttaskólann endurgjaldslaust og sækja u.þ.b. 85% nemenda hann tvisvar í viku frá byrjun september til loka maímánaðar.