Næstu Sumarólympíuleikar fara fram í London árið 2012 en þá eru liðin 100 ár síðan Íþróttafélag Reykjavíkur (ÍR) átti fyrst keppanda á Ólympíuleikum í frjálsíþróttum. Frjálsíþróttadeild ÍR setti í byrjun árs af stað metnaðarfullt afreksverkefni með það að markmiði að koma þremur frjálsíþróttamönnum úr röðum ÍR í Ólympíulið Íslands í London árið 2012.

Fagaðilar úr röðum sjúkraþjálfara, næringarfræðinga, sálfræðinga og nuddara kom að verkefninu auk menntaðra og reyndra þjálfara félagsins. Verkefnið er viðbót við það öfluga barna og unglingastarf sem deildin hefur haldið úti í fjölda ára. Þann 18.maí síðastliðin skrifaði frjálsíþróttadeildin undir samning við íþróttafólkið í tengslum við verkefnið og var meðfylgjandi mynd tekin af því tilefni.

Fríða Rún Þórðardóttir er framkvæmdastjóri verkefnisins en nánari upplýsingar má finna á heimasíðu félagsins www.irsida.is.