Lífshlaupið verður ræst í annað sinn miðvikudaginn 4. febrúar en um 7.700 manns tóku þátt í Lífshlaupinu á síðasta ári og því er óhætt að búast við góðri þáttöku í ár.

Um er að ræða hvetjandi og skemmtilegt verkefni sem sett var á laggirnar af ÍSÍ en samstarfsaðilar eru heilbrigðisráðuneytið, menntamálaráðuneytið, Lýðheilsustöð, Skýrr, Ávaxtabíllinn og Rás 2.

Lífshlaupið höfðar til allra landsmanna en þú getur skráð þátttöku og fengið allar nánari upplýsingar á vefsíðu Lífshlaupsins www.lifshlaupid.is

Þátttakendum kostur á að taka þátt í:

VINNUSTAÐAKEPPNIi frá 4. – 24. febrúar, fyrir 16 ára og eldri
HVATNINGARLEIK fyrir grunnskóla frá 4. – 24. febrúar, fyrir 15 ára og yngri
EINSTAKLINGSKEPPNI þar sem hver og einn getur skráð inn sína hreyfingu allt árið

Skrá má alla hreyfingu inn á vefinn svo framarlega sem hún nær ráðleggingum Lýðheilsustöðvar um hreyfingu. Börnum og unglingum er ráðlagt að hreyfa sig í a.m.k. 60 mínútur á dag og fullorðnir a.m.k. 30 mínútur á dag.