Íþróttafélögin í Reykjavík skora á Reykjavíkurborg að standa vörð um íþróttastarf fyrir börn og unglinga í borginni og tryggja þannig að reykvísk ungmenni fái áfram notið þess öfluga íþrótta- og forvarnarstarfs sem íþróttahreyfingin býður upp á.
Þannig treystir íþróttahreyfingin í Reykjavík því að Reykjavíkurborg láti þann niðurskurð sem borgin verður að gera á fjárhagsáætlun sinni koma eins lítið við fjárveitingar til íþrótta- og æskulýðsstarfs eins og frekast er kostur.

Án fjárframlaga frá Reykjavíkurborg munu íþróttafélögin ekki hafa nokkra möguleika til að sinna því mikilvæga uppeldis- og forvarnarstarfi sem hún hefur sinnt.
Jafnframt munu félögin gera allt sem í þeirra valdi stendur til þess að auðvelda börnum að stunda áfram íþróttir í því erfiða þjóðfélagsástandi sem nú er. Það er ákaflega mikilvægt að efnahagsástandið hafi sem minnst áhrif á daglegt líf þeirra og auðveldi þannig fjölskyldunum að takast á við þann vanda sem blasir við.