Lið Freiberg frá Þýskalandi vann stórsigur á liði Reykjavíkur á Alþjóðaleikum ungmenna í morgun 23-14. Þjóðverjarnir voru mjög sterkir eins og sést á úrslitunum og spiluðu vel. Reykjavísku strákarnir voru ansi stressaðir í leiknum og létu frekar slæma dómgæslu trufla sig.

Þeir létu þó tapið gegn Freiberg ekki á sig fá og komu tvíefldir til leiks gegn Innsbruck frá Austurríki eftir hádegið og sigruðu þá 13-11. Markvörður Innsbruck spilaði leik lífs síns og lét reykvísku leikmennina hafa vel fyrir því að koma boltanum í markið. Með því að vinna vel saman og berjast fyrir sínu tókst þeim þó að klára leikinn.

Reykvíska liðið endaði því í 3.sæti í sínum riðli og spilar á morgun um 5.sætið á mótinu.

Í gær fór hópurinn að skoða mosku, íslamska helgibyggingu, og kíktu einnig við í stóra verslunarmiðstöð. Strákarnir hafa verið til sóma í ferðinni. Þeir eru áhugsamir í skoðunarferðum og leggja sig fram í leikjunum.

Tenglar með hagnýtum upplýsingum:

Heimasíða leikanna

Keppnisdagskrá í handknattleik

Nafnalisti reykvíska hópsins

Fróðleikur um Manama