Á sunnudaginn, 7.mars, kl. 20:00 mætast Víkingur og KR í úrslitaleik Reykjavíkurmóts karla í knattspyrnu og fer leikurinn fram í Egilshöllinni. Búast má við hörkuviðureign og eru knattspyrnuáhugamenn hvattir til þess að fjölmenna á leikinn. Aðgangur er ókeypis.

Heiðursgestir verða kunnir kappar sem gerðu garðinn frægan með þessum félögum á árum áður en það eru þeir Bjarni Guðnason úr Víkingi og Atli Helgason úr KR og munu þeir afhenda sigurverðlaunin að leik loknum.

Víkingar lögðu Fylki í undanúrslitunum en sá leikur fór í vítaspyrnukeppni eftir að staðan eftir venjulega leiktíma var 2 - 2. KR lagði Fram hinsvegar að velli, 4 - 2 í hinum undanúrslitaleiknum.

Úrslitaleikur í Reykjavíkurmóti kvenna fór fram 13.febrúar síðastliðinn. Í úrslitum mættust Valur og Fylkir en það voru Valskonur sem sigruðu 4-0. Knattspyrnukonunar og þjálfararnir, Brynja Guðjónsdóttir og Helena Ólafsdóttir, afhentu verðlaun að leik loknum.

Reykjavíkurmótið í knattspyrnu er skipulagt af Knattspyrnuráði Reykjavíkur.